Итали улсын Турин хотод болж буй Тусгай олимпын дэлхийн өвлийн наадмын уулын цанын төрөлд манай тамирчин 15 настай А.Азжаргал алтан медаль хүртлээ. Ингэснээр энэ удаагийн наадмын Монголын багийн анхны алтан медалийг эх орондоо авчирлаа.

Харин снөүбордын төрөлд А.Алтан-Очир мөнгө, М.Энхзаяа хүрэл медаль хүртлээ. Ингэснээр одоогийн байдлаар Монгол Улсын баг тамирчид тус наадмаас нэг алт, нэг мөнгө, хоёр хүрэл медаль хүртэж иж бүрэн медальтай болоод байна.

      2017 онд Австри улсад болсон Тусгай олимпын өвлийн наадмаас Монголын баг тамирчид хоёр алт, дөрвөн мөнгө, хоёр хүрэл медаль хүртэж байв.

Гуравдугаар сарын 16-нд дуусах Тусгай олимпын өвлийн наадамд найман спортын төрөлд 103 орны 1500 тамирчин өрсөлдөж байна. Харин манай улсаас зургаан спортын төрөлд 24 тамирчин оролцож байгаа юм.