Өмнөговь аймгийн Онцгой комисс өчигдөр хуралдаж, Даланзадгад сумын сургууль, цэцэрлэгүүдийг өнөөдрөөс танхимаар хичээллүүлэхээр шийдвэрлэв. Хичээлээс гадуурх дугуйлан, секц, уралдаан тэмцээн, олон нийтийг хамарсан үйл ажиллагааг 3 дугаар сарын 20-ны өдрийг дуустал түр хязгаарлахаар тогтов.

Цэцэрлэг, сургуулиудыг 3-р сарын 13-17-ны хооронд цахимд шилжүүлэн, анги танхимуудыг ариутган халдваргүйжүүлжээ. Улаанбурхны дархлаажуулалтыг идэвхжүүлэн, тандалт судалгаа хийж, өвчний голомтуудыг тусгаарласан байна.