“Тавантолгой түлш” ХХК шахмал түлшний үндсэн түүхий эдээ солихоор өчигдөр “Эрдэнэс Тавантолгой” компаниас баяжуулсан 15 вагон нүүрс татан авлаа. Тус компани ШУА-ийн Хими, химийн технологийн хүрээлэн, Агаарын бохирдлыг бууруулах үндэсний хорооны дэргэдэх Эрдэмтдийн зөвлөл болон гадаадын эрдэм шинжилгээний байгууллагуудтай хамтран ажиллаж байна.

“Эрдэнэс Тавантолгой” ХК-ийн баяжуулсан нүүрсээр шахмал түлш үйлдвэрлэн, хагас үйлдвэрлэлийн туршилт хийж, эрдэмтдийн зөвлөлөөс гарсан дүгнэлт, зөвлөмж, шийдвэрт үндэслэж хэрэглээнд нэвтрүүлнэ.