Засгийн газрын ээлжит хуралдаан болж өндөрлөлөө. Аж үйлдвэр, эрдэс баялгийн сайд Ц.Туваан өнөөдрийн хуралдаанаас гарсан шийдвэрийг танилцуулах үеэрээ “Алт-III” хөтөлбөрийг хэрэгжүүлнэ” хэмээн мэдээллээ.

Тодруулбал “Дэлхийн зах зээл дээр нэг унц алт 3000 ам.доллар давсан. Энэ үед алтны олборлолтыг нэмэгдүүлэх нь зүйтэй. Иймээс “Алт-III” хөтөлбөрийг хэрэгжүүлэхээр шийдвэрлээд буй. Алтны олборлолтыг нэмэгдүүлснээр алтны болон валютын улсын нөөцийг бүрдүүлэх тал дээр чухал дэмжлэг болно” гэлээ.  

Энэ хүрээнд Засгийн газар ирэх долоо хоногийн хуралдаанаараа тодорхой шийдвэрүүдийг гаргахаар болсон байна.