Боловсролын яамны дэмжлэгтэйгээр Боловсролын ерөнхий газар, “Хилийн чанад дахь Монголчуудын зөвлөл” хамтран, гадаадад сурч, амьдарч буй Монгол улсын иргэдэд, эх хэл, бичиг үсэг сурах, үндэсний түүх, өв уламжлал, соёлын үнэт зүйлийг олон улсад сурталчлахад чиглэсэн “Монгол хэл, бичиг” үзэсгэлэн Тайваний Тайбэй хотод 2025 оны 02 дугаар сарын 21, 22-ны өдрүүдэд зохион байгуулагдаж байна.

Мөн энэхүү үзэсгэлэн 2025 оны 2-р сарын 23-аас , 3-р сарын 24-ний өдөр Илань хотын захиргааны музейд нэг сарын хугацаатай дэлгэгдэх аж.
Үзэсгэлэнд:

• Тайваньд зохион байгуулагдсан “Монгол хэл, бичиг” уралдаанд шалгарсан 9 бүтээл (суралцагч, насанд хүрэгчид)
• Уран бүтээлчдийн бүтээл, “Бичиг соёл төв”-ийн бүтээлүүд,
• “Монголын сайхан бичигтэн” уран бичлэгийн олон улсын уралдаанд оролцогчид болон Монгол хэл, бичиг судлаачийн зэрэг нийт 48 бүтээл,
• Монгол улсын ЕБС-уудын Монгол хэл, бичгийн багш, сурагчдын 4 бүтээл зэрэг нийт 60 гаруй бүтээлийг үзэгчдийн хүртээл болгон толилуулж байна.