Сагсан бөмбөгийн Зүүн Азийн орнуудын клүбүүдийн лигийн тэмцээн “Basketball champions league Asia” тэмцээн эхлэхэд хэдхэн өдөр үлдээд байна. Манай улсаас “BCL” лигт “Бишрэлт металл” болон “Хасын Хүлэгүүд” багууд өрсөлдөх юм.

Тэгвэл “Бишрэлт Металл” баг эхний тоглолтоо гуравдугаар сарын 25-ны өдөр хийхээр өнөөдөр эх орноосоо мордох гэж байна. Тэд Малайзын “Эн Эс Матрикс” багтай тоглох юм. Тус тоглолтын дараа Индонезийг зорьж 4 дүгээр сарын 5-нд “Пелита Жаяа” багтай тоглоно. Харин 4 дүгээр сарын 30-нд Тайванийн “Тайён Фелос” багтай тоглох хуваарьтай байгаа юм.