Гуравдугаар сарын 22-ны Бямба гарагт Монгол бөхийн өргөөнд 13:00 цагт Наурызын баярт зориулсан Улс, аймаг, цэргийн цолтой хүчит 128 бөхийн барилдаан болно. Энэхүү барилдааны цахим бүртгэл эхэллээ.

Барилдааны түрүү бөх автомашин гардан авах бол үзүүр бөх 4 сая, дөрөвт үлдсэн бөхчүүд тус бүр 2 сая төгрөгийн бай шагнал гардана. Үүнээс гадна үзэгчдийн дундаас гурван супер азтан тодрох аж.

Харин Гуравдугаар сарын 29-ны өдөр “Бест Буйдан” компанийн нэрэмжит барилдаан болох товтой байна. Тус барилдааны түрүү бөхийг 20 сая төгрөгөөр байлах бол үзүүр бөхөд 10 саяыг, Их шөвөгт үлдвэл 5 сая, уран мэхийг нэг саяар шагнах ажээ.