Дундговь аймгийн баруун талын сумд болох Сайхан-Овоо, Эрдэнэдалай сумын нутгаар салхи баруун хойноос секундэд 15-20 метр, зарим үед 22-24 метр хүрч, шороон шуурга шуурч байна. Үүний улмаас үзэгдэх орчин үе үе хязгаарлагдаж байгааг жолооч, малчдад анхааруулъя.

Өнөөдөр Өмнөговийн нутаг, Говь-Алтай, Баянхонгор, Өвөрхангайн өмнөд, Дундговийн баруун хэсгээр салхи секундэд 18-20 метр, зарим үед секундэд 24 метр хүрч ширүүсэж байна. Өнөөдөр /2025.03.24/ баруун болон төвийн аймгуудын нутгийн хойд хэсэг, зүүн аймгуудын нутгаар бороо, нойтон цас орж, зөөлөн цасан шуурга шуурахыг Ус, цаг уурын хүрээлэн онцгойлон анхаарууллаа.