Авто тээврийн салбарын 100 жилийн ой энэ онд тохиож байна. Үүнтэй холбогдуулан Дундговь аймгийн Автотээврийн төв, “Дундговь УАЗ” клуб хамтран, 3 дугаар сарын 22-ны өдөр “УАЗ-469”, “УАЗ Фургон” ангиллаар бартаат замын нээлттэй тэмцээн зохион байгууллаа. Тэмцээнд Дундговь, Өвөрхангай, Өмнөговь, Дорноговь, Улаанбаатар хот, Багануур дүүргийн 40 гаруй тамирчин өрсөлдөв.

Авто тээврийн салбарт олон жил үр бүтээлтэй ажилласан жолооч, тээвэрчдийг энэ үеэр аймгийн засаг даргын жуух бичиг, хүндэт тэмдэг, Автотээврийн тэргүүний ажилтан тэмдгээр шагналаа.

УАЗ 469 ангилалд:

• 1-р байр – 9097 УНЭ улсын дугаартай Улаанбаатар хотын тамирчин Б.Эрдэнэбат
• 2-р байр – 0805 ДГА улсын дугаартай Дорноговь аймгийн тамирчин Г.Алтантөр
• 3-р байр – 0469 ӨВА улсын дугаартай Өвөрхангай аймгийн тамирчин Э.Бямбацэрэн

УАЗ фургон ангилалд:

• 1-р байр – 9229 ДУА улсын дугаартай Дундговь аймгийн тамирчин М.Эрдэнэбулган
• 2-р байр – 0116 ДУЭ улсын дугаартай Дундговь аймгийн тамирчин О.Ууганцэнддорж
• 3-р байр – 9595 ДУЭ улсын дугаартай О.Амарзаяа нар шалгарч медаль, өргөмжлөл, мөнгөн шагнал, ивээн тэтгэгч нарын шагналаар шагнагдлаа.