Засгийн газар хэмнэлтийн бодлогоо боловсролын салбараас эхлэхээр болжээ. Засгийн газрын үзэж байгаагаар Боловсролын яам, Боловсролын ерөнхий газар, Боловсролын судалгааны үндэсний хүрээлэн, Боловсролын үнэлгээний төв зэрэг 4 байгууллагад чиг үүргийн давхцал үүссэн учраас цомхтгол хийхээр төлөвлөж байна. Эдгээр байгууллагад 361 хүн ажилладаг. Нийтдээ 81 чиг үүрэг давхцаж байна хэмээн үзжээ. 73 албан тушаалыг хөдөлгөж, хөдөө болон судалгааны хүрээлэн рүү шилжүүлэх гэнэ. Харин 30 албан тушаалыг байхгүй болгох нь зүйтэй гэж шийдсэн байна. Тэгэхээр 30 албан тушаалд ажиллаж байгаа нийтийн албан хаагчид цомхтголд өртөх нь тодорхой боллоо.