Сингапур улсад зохион байгуулж буй 2025 оны “FIBA 3×3” Азийн аварга шалгаруулах тэмцээнд оролцох Монгол улсын эрэгтэй, эмэгтэй шигшээ багийнхан өнөөдөр эх орноосоо мордлоо.

Эрэгтэй шигшээ багийн бүрэлдэхүүнд А.Ананд, Э.Дөлгөөн, Ц.Отгонжаргал, Г.Дөлгөөн нар багтжээ. О.Энхбаатарын хувьд аав болсон учраас энэ удаагийн Азийн аваргыг өнжиж байгаа гэнэ. Тэгвэл эмэгтэй шигшээ багт О.Хулан, Э.Нарангоо, М.Булбул, Б.Ариунцэцэг нарын тамирчид байгаа юм.

Эрэгтэй шигшээ баг тэмцээний “А” хэсэгт урьдчилсан шатны “А” хэсгийг тэргүүлсэн баг болон Сингапур улсын шигшээ багтай өрсөлдөх юм. Харин эмэгтэй шигшээ баг “B” хэсэгт урьдчилсан шатны “B” хэсгийг тэргүүлсэн баг болон Тайланд улсын шигшээ багтай тоглоно. Манай хоёр багийн эхний тоглолт гуравдугаар сарын 29-нд болно.