2025-2028 онд нийслэлд хэрэгжүүлэх 24 мега төслийн хүрээнд Шинэ тойрог авто зам барихаар төлөвлөж байгаа аж. Уг замын урьдчилсан техник эдийн засгийн үндэслэлийг боловсруулж байгаа мэдээлэл байна.

Эхний байдлаар шинэ тойрог авто замыг баруун талаараа Туулын хурдны замтай, Зүүн талаараа Баянзүрхийн гүүртэй холбохоор төлөвлөж байгаа юм. Түүнчлэн Төв аймаг руу туннелээр холбох тухай ч яригдаж байна. Ирэх 6-р сард ТЭЗҮ-ийг эцэслэн боловсруулж дуусах гэнэ. Энэхүү төслийг хэрэгжүүлснээр замын хөдөлгөөний дундаж хурд 23.3 хувиар нэмэгдэх судалгаа байгаа юм.

Шинэ тойрог авто зам нь зургаан эгнээ бүхий 50 гаруй км урттай. 1 болон хоёрдугаар тойрог замтай байх гэнэ. Нэгдүгээр тойрог зам 20 гаруй км урт үргэлжлэх бол хоёрдугаар тойрог зам 24.4 км урт байх урьдчилсан тооцоолол хийжээ.