Энэ сарын 29-нд Лос-Анжелес хотын “YouTube Theater”-т “Billboard Women in Music 2025” шагнал гардуулах ёслол болж өнгөрлөө.

“Billboard Women in Music 2025” нь хөгжмийн ертөнцөд үнэтэй хувь нэмэр оруулсан уран бүтээлч, продюсер нарт олгодог шагнал бөгөөд жил бүр уламжлал болон зохион байгуулсаар ирсэн.

Тэгвэл энэ жилийн ёслолд Blackpink хамтлагийн Женни “Global Force” шагнал хүртжээ. Тэрээр уг шагналыг авсны даа “Би маш их баярлаж байна. Манай хамтлагийн гишүүд бүгд ганцаарчилсан тоглолт хийж байгаа. Тэднийгээ их санаж байна. Та нартаа их хайртай шүү, та нар байхгүй бол би энэ шагналыг авч чадахгүй байсан” хэмээн сэтгэгдлээ хуваалцжээ.

Мөн өөрийн шүтэн бишрэгчдэдээ баярлалаа гэдгээ хэлж хамгийн сүүлд “Ээжээ би танд хайртай” хэмээн хашгирсан байна.