Үндэсний сагсан бөмбөгийн холбооны “Денвер Наггетс” багийн төвийн тоглогч, Сербийн сагсан бөмбөгчин Никола Йокич нэг тоглолтод трипл-дабл хийж нийт 61 оноо авснаар НБА-ын дээд амжилтыг тогтоолоо.

Трипл-дабл гэдэг нь тухайн тоглогч гурван үзүүлэлтээр хоёр оронтой тоогоор хэмжигдэх оноо /10+/ авсныг хэлдэг.

Денверчүүд талбайдаа “Миннесота Тимбервүүлвз” багтай хийсэн тоглолтод /139:140 нэмэлт цаг/ Йокич нийт 61 оноо авахдаа 11 удаа самбараас бөмбөг авч, 10 оновчтой дамжуулалт хийжээ. Трипл-даблын NBA-гийн өмнөх рекордыг Словенийн Лука Донич, Америкийн Жеймс Харден 60 оноо авснаар тогтоосон юм.

Өдгөө 30 настай Йокич 2024 оны 12 дугаар сарын 8-нд “Вашингтон” багтай хийсэн тоглолтод 56 оноо авч хувийн дээд амжилт тогтоогоод байсан юм. Тэгвэл өнөөдөр 61 оноо авч НБА-ын шинэ рекордыг бичлээ.