Хөвсгөл аймгийн Эрдэнэбулган сумын 2 дугаар багийн Асаатнарийн гэдэг газар өчигдөр ой, хээрийн түймэр гарчээ. Уг түймрийн тухай дуудлага гал сөнөөгчдөд 4-р сарын 2-ны өдрийн 19:17 цагт ирсэн байна. Хөвсгөл аймгийн Онцгой байдлын газрын Тариалан сум дахь 46 дугаар ангийн албан хаагчид, Эрдэнэбулган сумын Мэргэжлийн анги болон орон нутгийн иргэд эл түймрийг унтраахаар ажиллаж байна. 
Тус аймагт хуурайшилт ихсэж, түймрийн аюул нэн их аюултай бүсэд Их-Уул, Тариалан сум, их аюултай бүсэд Эрдэнэбулган, Баянзүрх, Тариалан, Бүрэнтогтох, Галт сум багтаж байна.