Монгол Улсын Засгийн газраас өргөн мэдүүлсэн Монгол Улс болон Евразийн эдийн засгийн холбоо, түүний гишүүн орнууд хооронд байгуулах худалдааны түр хэлэлцээрийн төслийг УИХ-ын байнгын хороо өнөөдөр хэлэлцээд, судалгаа дутуу гэх үндэслэлээр хэлэлцэхээс татгалзаж, хойшлууллаа. Чөлөөт худалдааны хэлэлцээр байгуулах ажлын хэсгийг Шадар сайд С.Амарсайхан ахалж байгаа юм.

Манай улс 2024.12.21-ний өдөр тус холбоонд элсэх гэрээнд Москвад гарын үсэг зурахаар төлөвлөсөн байв. Үүнийг үйлдвэрлэгчид, УИХ-ын гишүүд, сэтгүүлчид эсэргүүцсэнээр Засгийн газар уг холбоонд элсэхийг түр хойшлуулсан. Гэвч бүрмөсөн болиогүй. Өнгөрсөн 4 сарын хугацаанд Засгийн газар энэ хэлэлцээгээ үргэлжлүүлсээр, өмнө нь тохироогүй асуудлуудаа нарийвчлан тохирчээ.