УИХ-ын төсвийн байнгын хорооны өнөөдрийн хуралдаанаар Монгол улсын ерөнхий аудиторын албан тушаалд нэр дэвшигчийн сонсголын тайланг хэлэлцлээ.

Төрийн аудитын тухай хуулийн 28 дугаар зүйлийн 28.1-д “Монгол Улсын Ерөнхий аудиторыг УИХ-ын даргын санал болгосноор УИХ нэр дэвшигчийн сонсгол хийж, зургаан жилийн хугацаагаар томилно” гэж заасны дагуу төсвийн байнгын хорооноос нэр дэвшигчийн сонсголыг зохион байгуулаа. УИХ-ын дарга Д.Амарбаясгалан Монгол Улсын Ерөнхий аудиторын албан тушаалд С.Магнайсүрэнг нэр дэвшүүлсэн.  

Байнгын хорооны хуралдаанд оролцсон 18 гишүүнээс 18 нь буюу 100 хувийн саналаар С.Магнайсүрэнг Монгол Улсын Ерөнхий аудитороор томилохыг дэмжлээ.