Өнөөдөр хуваарь ёсоор УИХ дахь намын бүлгүүд хуралдана. Парламентад хамгийн олон гишүүнтэй МАН-ын бүлэг Татварын хууль, Нийгмийн даатгал тэтгэврийн хуулийн шинэчилсэн найруулгын төслүүдтэй танилцана. Түүнчлэн туул хурдны замын бүтээн байгуулалт, тойрог нэгдүгээр замын бүтээн байгуулалтын танилцуулга ч бүлгийн хурлаар хэлэлцэгдэхээр байна. Хурлын төгсгөлд нийслэлийн замын хөдөлгөөний ачаалал бууруулах, орон сууцжуулах хөтөлбөрт тулгамдаад байгаа бэрхшээлийн талаар болоод түүнийг шийдэх эрх зүйн шинэчлэлийг хэлэлцэхээр товлогджээ.