Бразилийн шигшээ багийн хөлбөмбөгч Неймар Саудын Арабын “Аль Хилал” багт очсоноосоо хойш гэмтлийн улмаас хоёр жилийн хугацаанд ердөө гуравхан тоглолтод оролцсон.

Арабт “агаар таараагүй” Неймар 2025 он гарахад төрөлх “Сантос”-тоо эргэн ирсэн билээ. Гэвч Бразилдаа хариад удалгүй дахин гэмтэл авч хоёрдугаар сараас хойш нэг ч тоглолтод бүтэн талбайд гараагүй.

Харин өчигдөр (07.16.2025) болсон Бразилийн дээд лиг “Brasileirao Serie A” -ийн 14 дэх тойргийн “Фламенго”-той хийсэн тоглолтод Неймар бүтэн тоглолоо. Бүтэн тоглоод зогсолгүй тоглолтын 84 дэх минутад цорын ганц гоолыг оруулан, төрөлх багтаа хожил авчирлаа.

Неймар мэргэжлийн хөлбөмбөгчний гараагаа “Сантос”-оос эхэлж, 2009-2013 онд тоглохдоо 103 тоглолтод 54 гоол оруулж байсан билээ.
Харин энэ жил эргэн “Сантос”-доо нэгдсэнээс хойш лигийн тав дахь тоглолтоо хийж, анхны гоолоо оруулсан нь энэ.
Хэрэв гэмтэл бэртлээс хол байж чадвал Неймар ирэх зун болох ДАШТ-д Бразилийн шигшээд тун хэрэгтэй.

Неймар 2010 оноос хойш Бразилийн шигшээ багтаа 128 удаа тоглож, 79 гоол оруулсан бөгөөд тоглосон тоогоороо Кафугийн (142) дараа хоёрт, гоолын тоогоороо нэгдүгээрт ( Пеле 77 гоолоор хоёрт, Роналдо 62 гоолоор гуравт) бичигдэж байгаа юм.
ЗЗ настай Нэймарын хувьд 2026 оны ДАШТ-д амжилттай тоглох гол зорилготой байгаа билээ.

Ц.Энхтүвшин Таван цагариг сонин