“Counter-Strike”-ийн сүм гэгддэг Кёльн хотын зүрхэнд орших LANXESS аренад дахин нэг удаа Intel Extreme Masters /IEM/ аваргаа тодруулах гэж байна. 2014 оноос хойш жил бүр IEM Cologne тэмцээнд дэлхийн шилдэг багууд, агуу тоглогчид, гайхалтай үзэгчдийн өмнө өөрсдийн ур чадварыг гайхуулж, амнаас ам дамжин яригдах түүх, дурсамжийг бүтээж ирсэн. LANXESS арена ч галзуу үзэгчид, гайхамшигтай уур амьсгалаар алдартай.
IEM Cologne 2025 нь долдугаар сарын 23-наас наймдугаар сарын 3-ны хооронд үргэлжилж байгаа бөгөөд дэлхийн 24 шилдэг баг 1,250,000 ам.долларын шагналын сан дээр өрсөлдөж байна. Дээрх өрсөлдөөнөөс шалгарсан шилдэг зургаан баг нь наймдугаар сарын 1-3-ны хооронд дүүрэн үзэгчтэй LANXESS аренад аваргын төлөө тулах болно. Энэ жилийн онцлог нь ESL-ийн 25 жилийн ой тохиож буй бөгөөд цахим спортын хөгжлийг 25 жил манлайлан удирдаж, гайхалтай тэмцээн зохион байгуулдаг болохоо тэмдэглэж байна.
IEM Cologne 2025 тэмцээний плей-оффын тоглолтуудын тасалбар зарагдаж, дуусчээ.
Плей-оффт шалгарсан зургаан баг
- The MongolZ
- NaVi
- MOUZ
- FURIA
- Spirit
- Vitality
💰 Шагналын Сан
Нийт: $1,250,000
| Байр | Нийт Шагнал | Тоглогчдод | Багт |
| 🥇 1-р байр | $460,000 | $400,000 | $60,000 |
| 🥈 2-р байр | $216,000 | $180,000 | $36,000 |
| 🥉 3-4-р байр | $118,000 | $80,000 | $28,000 |
| 5-6-р байр | $61,000 | $40,000 | $21,000 |
| 7-8-р байр | $38,000 | $24,000 | $14,000 |
| 9-12-р байр | $23,000 | $16,000 | $7,000 |
| 13-16-р байр | $10,000 | $10,000 | – |
| 17-20-р байр | $4,500 | $4,500 | – |
| 21-24-р байр | $2,500 | $2,500 | – |