Хорват улсын Загреб хотод чөлөөт бөхийн насанд хүрэгчдийн Дэлхийн аварга шалгаруулах тэмцээн ирэх сарын 13-21-ний өдрүүдэд болно. Тус тэмцээнд оролцох Монгол Улсын шигшээ баг бэлтгэл, сургуулилалтаа базааж байна. Үндэсний шигшээ багийн ахлах дасгалжуулагч Д.Гомбодорж, С.Сүхбаатар тэргүүтэй зургаан дасгалжуулагчийн удирдлага дор “Загреб-2025” ДАШТ-д оролцох тамирчид болон бэлтгэл хангагчид долоодугаар сарын 27-ноос наймдугаар сарын 14-ний хооронд Төв аймагт бэлтгэлээ хийж, өнөөдөр бууж байна. Тэд үргэлжлүүлэн Улаанбаатар хотод хяналтын барилдаан болон сэргэлтийн бэлтгэлээ хийх аж.

Монголын чөлөөт бөхийн баг тамирчид ДАШТ-ээс нийт 85 медаль хүртсэн байдаг. Хамгийн анхны медальтан нь Хөдөлмөрийн баатар, гавьяат тамирчин Ж.Мөнхбат (Шинэ Дели-1967 онд хүрэл) юм. Харин отгон медальтан нь С.Цэрэнчимэд (мөнгө), Ц.Цогбадрах (хүрэл) нар юм.

ДАШТ-нд дараах тамирчид эх орноо төлөөлөн оролцоно.

Эрэгтэй:

57кг Б.Мөнх-эрдэнэ

61кг Т.Түвшинтулга

65кг Б.Гантулга

70кг Т.Тулга

74кг Э.Төгсжаргал

79кг О.Сүлдхүү

86кг Н.Батбилгүүн

92кг Т.Дэмчигдорж

97кг Г.Ганхуяг

125кг М.Лхагвагэрэл

Эмэгтэй:

50кг Б.Мөнхнар

53кг Ц.Намуунцэцэг

55кг Б.Хулан

57кг Х.Болортуяа

59кг Т.Алтжин

62кг П.Орхон

65кг Т.Энхжин

68кг Э.Дэлгэрмаа

72кг З.Болортунгалаг

76кг Э.Даваанасан