Өчигдөр орсон борооны дараа цахим орчинд зарим иргэд өмнөх жилүүдийн зураг мэдээллийг цацаж буруу мэдээлэл түгээжээ. Тэгвэл энэ нь үерийн үед шуурхай баг ажиллахад төвөгтэй байдал үүсгэдэг талаар Геодези, Усны барилга байгууламжийн газраас мэдээллээ.

Тодруулбал, ийм эрсдэлтэй үед хуучин зургуудыг байршуулснаар шуурхай баг тухайн байршил руу буруу мэдээлэлд үндэслэн явж, бодит эрсдэлтэй газарт очих цаг хугацаа алддаг.

Байгалийн хүчин зүйлтэй тэмцэх үед хугацаа алдах нь хүний амь нас эрсдэх ноцтой нөхцөл байдал үүсгэдэг.

Тиймээс иргэд та бүхэн зөвхөн тухайн цаг үеийн бодит зураг, мэдээллийг хуваалцаж байгаарай. Ингэснээр та өөрийнхөө төдийгүй бусдын амь нас, аюулгүй байдлыг хамгаалахад оролцож, иргэний журамт үүргээ биелүүлж байгаа юм гэв