Монголын хөрөнгийн биржээр өчигдөр 42 хувьцаат компанийн 343,507,189 төгрөгийн үнийн дүн бүхий 1,045,083 ширхэг хувьцаа арилжигджээ. Үүнээс 15 компанийн хувьцааны ханш өсөж, 20 компанийнх буурсан бол 7 компанийн ханш тогтвортой байлаа.

Үүнээс “Монгол савхи”, “Хөх ган”, “Женко тур бюро” компанийн хувьцаа хамгийн өндөр буюу 7,92-14,90 хувь өсөлттэй байсан бол “Атар-Өргөө”, “Газар шим үйлдвэр”, “Булигаар” компанийн хувьцааны ханш хамгийн их уналаа.

Өнөөдрийн үнэт цаасны арилжаагаар: 

• Хөрөнгө оруулалтын 2 сангийн 34,971 ширхэг нэгж эрх 9,735,070 төгрөгөөр,
• Хөрөнгөөр баталгаажсан 20,310 ширхэг үнэт цаас 2,027,156,600 төгрөгөөр,
• Компанийн бондын хоёрдогч зах зээлийн арилжаанд нийт 150 ширхэг үнэт цаас 14,700,000 төгрөгөөр тус тус арилжигдсан байна.

Уул уурхайн бүтээгдэхүүний арилжаагаар “Энержи ресурс” ХХК-ийн баяжуулсан коксжих 2 багц нүүрс 5,446,528,000 төгрөгөөр, “Эрдэнэс Тавантолгой” компанийн эрчим хүчний нүүрс 32,000 тонныг 4,427,068,800 төгрөгөөр борлуулжээ.

Энэ өдөр нийт 15,536,612,459 төгрөгийн үнийн дүн бүхий арилжаа зохион байгуулав.