Казахстаны Астана хотод болж буй дугуйт цаны Азийн цомын тэмцээнээс гүйлтийн цанын Үндэсний шигшээ багийн тамирчин А.Хүслэн 200 м-ийн зайд хүрэл медаль хүртлээ. Тэрээр урьдчилсан шатнаас нэгээр гарч, финалд өрсөлджээ.

Мөн “Милан, Кортина-2026” өвлийн олимпын наадамд оролцох эрхийн оноогоо ахиулжээ. Түүний хувьд өнгөрсөн жилийн дугуйт цанын залуучуудын ДАШТ-ээс алтан медаль хүртсэн тамирчин юм.

Азийн цомд Монгол Улсаас 5 тамирчин оролцож буй бөгөөд А.Хүслэнгийн хувьд хувийн зардлаар тэмцээндэн оролцож ийн амжилт үзүүлсэн байна.