Монголын Волейболын холбооны ээлжит бус чуулган 09-р сарын 06-ны өдөр болж, шинэ Ерөнхийлөгчөө сонголоо. Энэ удаагийн чуулганд 202 төлөөлөгч ирэхээс 187 төлөөлөгч хүрэлцэн ирж оролцсон байна.

Тус холбооны ерөнхийлөгчид 3 нэр дэвшигч өрсөлдсөнөөс Намсрай овогтой Амарзаяа олонхын саналаар волейболын холбооны 11 дэх Ерөнхийлөгчөөр сонгогдлоо. Ингэснээр түүний хувьд Волейболын холбоог удирдах анхны эмэгтэй Ерөнхийлөгч болж байна.

Мөн чуулганаар дүрмийн өөрчлөлтийг хэлэлцүүлж баталсан бөгөөд дүрмийн хэрэгжилтийг хангах, дүрмийг даган гарах журмуудыг энэ ондоо багтаан батлуулах, уг журамд аймаг дүүргийн салбар холбоод, бусад бүх талын хамаарлууд, тэдэнд тавигдах шаардлага, харьяалал зэргийг тодорхой болгосноор багш дасгалжуулагч, тамирчид, шүүгчид болон бусад оролцогч талуудын үүрэг оролцоо, зохион байгуулалт, хөдөлмөрийг үнэлэх боломжуудыг тодорхой болгож өгчээ.

Энэ хүрээнд ерөнхийлөгчийн багийг баталсан бөгөөд МВХ-ны Тэргүүн дэд ерөнхийлөгчөөр Б.Дөлгөөн, Дэд ерөнхийлөгчөөр Б.Тамир, Т.Тогтохбаяр нар сонгогдсон байна.