Хөвсгөл аймагт тарваган тахлын халдвар авсан эхний өвчтөн нас барсан. Тэрээр бие нь муудаж, эмнэлэгт хүргэгдэхдээ тарваганы арьс өвчсөн тухайгаа мэдээлээгүй, үнэнээ хэлээгүй гэнэ. Үүний улмаас тус аймгийн Нэгдсэн эмнэлгийн 14 ажилтныг 1-р хавьтал болгож, эрсдэлд оруулсан байна. Тэдгээр эмч, сувилагчийг Халдвартын тасагт тусгаарлан, хянаж байгаа. Тэдний оронд Булган, Орхон аймгаас мэргэжлийн эмч, сувилагч татан ажиллуулж байгаа аж.