Улсын хэмжээнд өнгөрсөн долоо хоногт нийслэлийн 8 дүүрэг, 15 аймгийн 28 суманд аюулт үзэгдэл, ослын 79 удаагийн дуудлага бүртгэгдсэн байна.

Дуудлагын дагуу төв, орон нутгийн Онцгой байдлын байгууллагын алба хаагчид үүрэг гүйцэтгэж, 15 иргэний амь насыг авран хамгаалж, 209 иргэнийг утаажилтын бүсээс гаргаж, аюулгүй байдлыг ханган ажиллажээ.

Нийт дуудлагын 65 нь объектын гал түймэр, нэг нь ой, хээрийн түймэр, нэг нь газар хөдлөлт, усны осол, зам тээврийн ослын 12  дуудлага иржээ.