Хонио хариулж явсан хүүхдийг хороосон этгээдэд Хөвсгөл аймгийн Эрүүгийн хэргийн анхан шатны шүүх бүх насаар нь хорих ял оноолоо. Тус аймгийн нэгэн суманд 2018.08.07-ны өдөр 13 настай хүүхдийг хонь хариулж явахад нь Б гэгч этгээд хороожээ. Биеэ хамгаалж чадахгүй хүүхэд гэдгийг нь мэдсээр байж, амь насыг нь бүрэлгэсэн түүнийг тухайн үед цагдан хорьж, Эрүүгийн хуулийн тусгай ангийн 10.1 дүгээр зүйлийн 2.7-д зааснаар тус аймгийн Цагдаагийн газар эрүүгийн хэрэг үүсгэж, яллагдагчаар татан шалгасан юм байна.