Хүүхдүүдийн санал хүсэлтийн дагуу Төв аймгийн Хүнс, хөдөө аж ахуйн газрын Хяналтын хэлтэс хяналт шалгалт явуулж байна. Зуунмод сумын 1-4 дүгээр сургуулийн ойролцоох хүнсний 13 дэлгүүрт хяналт хийхэд, гарал үүсэл тодорхойгүй, хугацаа нь дууссан, шошгын зөрчилтэй болон чихрийн өндөр агууламжтай бүтээгдэхүүн худалдаж байжээ.

Илэрсэн зөрчил, авсан арга хэмжээ:

• 11 нэр төрлийн 304 ширхэг (215.3 мянган төгрөгийн) гарал үүсэлгүй бүтээгдэхүүнийг битүүмжилж,

• 3 нэр төрлийн 5 ширхэг (11.7 мянган төгрөгийн) хугацаа хэтэрсэн бүтээгдэхүүнийг устгав.

• 2 нэр төрлийн 20 ширхэг (66.5 мянган төгрөгийн) бүтээгдэхүүнийг буцаан татан авав.

• Шууд хэрэглэдэг хүнсний бүтээгдэхүүнд зориулалтын хөргүүр ашиглах, тухайн өдөрт борлуулах зөвлөмж өглөө.

Иргэд, эцэг эхчүүд та бүхэн:

• Хүүхдүүддээ хүнс худалдан авахдаа бүтээгдэхүүний гарал үүсэл, шошго, хадгалалтын нөхцөл, хугацааг заавал шалгаж, ил задгай худалдаалагдаж буй хүнсний бүтээгдэхүүнээс татгалзахыг зөвлөх,

• Хүнсний зөрчил илэрвэл холбогдох байгууллагад мэдэгдэхийг уриалж байна