Улсын хэмжээнд Хүн ам, орон сууцны 2025 оны завсрын тооллогыг 10-р сарын 15-наас зохион байгуулна. Үүнийг төрийн байгууллагуудын суурь болон төрөлжсөн мэдээллийн сангийн бүртгэлд суурилсан аргаар зохион байгуулах аж.

Уг тооллогын хүрээнд иргэдээс мэдээллийг нь утсаар болон биечлэн тодруулж, Хүн ам, өрхийн мэдээллийн санд бүртгэн, мэдээллийг нь шинэчлэх юм байна. Энэ тооллого нь улс орны нийгэм, эдийн засгийн бодлого, төлөвлөлтөд шаардлагатай статистик мэдээлэл бүрдүүлэх ач холбогдолтой гэнэ.