Нийслэлийн гэр хорооллын иргэн Та харьяа дүүргийнхээ мэргэжилтэнтэй холбогдож, угаарын хий мэдрэгч шинэ төхөөрөмж авах боломжтой.
Утасны дугаар:

• Сонгинохайрхан – 90098038
• Баянзүрх -99003907
• Баянгол-99161623
• Хан-уул-80772299
• Чингэлтэй-99644549
• Сүхбаатар-86603535
• Налайх-88070139

Нийслэлийн “Түлш хэрэглэгчдэд үйлчлэх төв” нь айл өрхүүдэд суурилуулсан алсын зайн дамжуулагчтай угаарын хий мэдрэгч төхөөрөмжид 24 цагаар хяналт тавин ажилладаг. Тус төвийнхөн угаарын хий мэдрэгч төхөөрөмжөөс ирж буй мэдээлэлд үндэслэн яаралтай арга хэмжээ авч, болзошгүй эрсдэлээс урьдчилан сэргийлж байна. Эдгээр төхөөрөмжөөс ирэх мэдээллийг “Түлш хэрэглэгчдэд үйлчлэх төв”-ийн ажилчид 24 цагаар хянаж, угаарын хий илэрсэн айл өрхүүдтэй цаг алдалгүй холбогдож, анхааруулга сэрэмжлүүлэг хүргэдэг. Мөн шаардлагатай тохиолдолд засвар үйлчилгээний хэлтсийнхэн айл өрхүүдэд ажиллаж байна.
Галлагааны улирал эхэлснээс хойш тус төвийнхөн дэлгэцээр 15.525 дуудлага хүлээн авч, 31.050 хүний амь эрсдэхээс урьдчилан сэргийлжээ. Ингэхдээ 860 удаа гэрээт хяналтын ажилтныг угаарын дуудлагын дагуу холбогдож чадаагүй айл өрхүүд рүү явуулж, шаардлагатай арга хэмжээг авсан байна.