Өнөөдөр УИХ дахь ажлын хэсэг, түр хороо, байнгын хорооны хуралтай. Түр хорооны хурлаар “Оюутолгой” ХХК-ийн Төлөөлөн удирдах зөвлөлийн дарга, гишүүд, гүйцэтгэх удирдлагын багийн танилцуулга, мэдээллийг сонсох аж. Харин байнгын хорооны хуралдаанаар ахмад настны тэтгэврийг нэмэгдүүлэх, тэтгэврийн зээлийн хүүг бууруулах, эрүүл мэндийн болон асрах үйлчилгээг сайжруулах талаар иргэдээс ирүүлсэн өргөдийг судлан үзэж, санал дүгнэлт боловсруулах үүрэг бүхий ажлын хэсгийн санал дүгнэлтийг хэлэлцэх юм байна.