Тайландын Ват Рат Пракхонг Там гэдэг Буддын сүмд 65 настай эмэгтэй нас барсан гэдэг оноштойгоор хүргэгдэн иржээ. Тус сүмийн менежер Пайрат Сүүдтүүпийн мэдээлснээр, нас барсан гэх оноштой 65 настай эмэгтэйг эрэгтэй дүү нь 500 километр хол газраас авсанд хийн уг сүмд хүргэж ирсэн байна. Түүнийг “2 жил орноосоо өндийхгүй хэвтрийн дэглэмд байсан. Эрүүл мэнд нь муудаад хариу үйлдэл үзүүлэхээ больсон. 2 хоногийн өмнөөс амьсгалахаа больсон” гэж хэлэн хүлээлгэж өгчээ. 

65 настай эмэгтэй нас барахаасаа өмнө Бангкок хотын нэг эмнэлэгт бүх эд эрхтнээ хандивлахаар төлөвлөсөн байв. Тиймээс түүнийг дүү нь 500 километр хол газраас авчирч, цогцсыг нь эмнэлэгт хүлээлгэж өгөх гэтэл эмнэлгийнхэн “Нас барсны гэрчилгээ байхгүй” гэдэг шалтгаанаар хүлээж авахаас татгалзжээ. 

Дараа нь дүү нь түүний цогцсыг Ват Рат Пракхонг Там гэдэг Буддын сүмд авчирч чандарлуулах гэсэн боловч тус сүм мөн адилхан шалтгаанаар 65 настай эмэгтэйн цогцсыг хүлээж авахаас татгалзсан байна. Сүмийн менежер дүүд нь нас барсны гэрчилгээ хэрхэн авахыг тайлбарлаж байх үед авсан дотор хөдлөх чимээ гарчээ. Ингээд тэд авсыг нээж үзэхэд уг эмэгтэй амьд байсан гэнэ. Түүнийг яаралтай эмнэлэгт хүргэсэн аж. Одоо эмчийн хяналтад байгаа гэнэ.

Эх сурвалж: ABC News