Украины ерөнхийлөгч Владимир Зеленский Трампийн хэрэгжүүлсэн энхийг сахиулах төлөвлөгөөнд нэмэлт өөрчлөлт оруулсны дараа АНУ-тай “Хоёр талаас харилцан ойлголцсон” гэдгээ мэдэгджээ. Харин Трамп туслахаараа дамжуулж Путинтай дараа 7 хоногт Мосвкад уулзах боломжтой эсэхийг нь асуулгажээ.

Зеленский энэ талаар “АНУ болон ерөнхийлөгч Доналд Трамптай цаашид хамтран ажиллана гэж би найдаж байна. Бүх зүйл Америкаас шалтгаална, учир нь Орос улс Америкийн хүч чадалд хамгийн их анхаарал хандуулж байгаа” хэмээн мэдэгдэв.

Харин Доналд Трамп сошиал медиа хаяг дээрээ Зеленский болон Путин нартай хурдан уулзах хүсэлтэй байгаагаа хэлж, гол нь “дайныг зогсоох 28 зүйл заалттай төлөвлөгөөг ЭЦСИЙН ШАТАНД орсон үед уулзана” хэмээн мэдэгдсэн байна.

Кремлиний зүгээс “Оросын зүгээс энхийг сахиулах төлөвлөгөөний эхний хувилбарыг дэмжсэн. Энхийг сахиулах төлөвлөгөөнд оруулсан нэмэлт өөрчлөлтүүдийн талаар Оросод мэдэгдээгүй байгаа тул бид нэмэлт өөрчлөлтүүдийг хүлээж авахгүй ч байж магад” гэж мэдэгджээ.

Эх сурвалж: BBC