Испани улс сарын тэмдэг нь ирсэн эмэгтэй ажилтнуудад сарын тэмдгийн цалинтай чөлөө олгодог Европын анхны орон болсон тухай мэдээлэл ойрын өдрүүдэд гадаадын хэвлэл мэдээллийн албан бус эх сурвалжуудаар яваад байгаа. Тэгвэл энэ нь саяхан батлагдсан шинэ хууль биш. Испани улс энэ хуулийг аль 2022 онд хэрэгжүүлж эхэлсэн байна. Уг мэдээлэл аль 3 жилийн өмнөх мэдээ юм.

Испани ийм хууль баталсан, Европын анхны орон болсон ч гэлээ Дэлхийд анхных биш. Ихэвчлэн Ази, Африк тивийн орнууд Испаниас ч өмнө энэ хуулийг хэрэгжүүлж байжээ. Та бүхэнд сарын тэмдгийн үед цалинтай болон цалингүй чөлөө өгдөг орнуудыг таницуулъя:

Япон: Японд энэ хуулийг 1947 оноос хэрэгжүүлж эхэлжээ. Тэд эмэгтэй ажилтнуудад сарын тэмдэг ирсэн үед хэд хоногийн чөлөө авахыг зөвшөөрдөг ч энэ нь цалингүй чөлөө байдаг.

Индонез: 2003 онд Индонез улс эмэгтэйчүүд сарын тэмдэг нь ирсэн үед сард 2 хоногийн цалинтай чөлөө авч болох хууль баталжээ. Гэсэн ч уг хуулийг хэрэгжүүлдэг байгууллага тийм ч олон биш.

Өмнөд Солонгос: Эмэгтэй ажилтнууд сарын тэмдэг нь ирсэн үед сард 1 хоног цалингүй чөлөө авч болдог. Хэрэв тэд энэ урамшууллаа эдлэхгүй бол тэдэнд цалин дээр нь нэмэлт олгодог.

Тайвань:  Эмэгтэй ажилтнууд сарын тэмдэг нь ирсэн үед жилд  3 хоног тал цалинтай чөлөө авч болдог.

Замбиа: Эмэгтэй ажилтнууд заавал сарын тэмдэг гэхгүйгээр сард 1 хоног эмчийн бичиг юм уу эсвэл урьдчилан мэдэгдэх шаардлагагүйгээр чөлөө авч болдог. Үүнийг “Ээжүүдийн өдөр” гэж нэрлэдэг ба ээжүүдэд хүүхэдтэйгээ цагийг өнгөрөөх боломж олгох зориулалттай юм .

Вьетнам: Эмэгтэй ажилтнууд сарын тэмдэг нь ирсэн үед сард 3 хүртэл хоног цалингүй чөлөө авч болдог.

Мексик: Хамгийн сүүлд уг хуулийг баталсан орноор Мексик улс. 2024 энэ хуулийг баталж, сарын тэмдэг нь ирсэн эмэгтэй ажилтнуудад сард 2 хоног цалингүй чөлөө өгдөг болсон.