Цас орж халтиргаа гулгаа, ихэссэнээс улбаалж ГССҮТ-д явганаас унаж бэртэх тохиолдол цөөнгүй бүртгэгдэх болжээ. Тухайлбал, 2025 оны 3-р улиралд явганаас унаж бэртсэн 67,863 хүн эмнэлгийн тусламж авчээ. Харин сүүлийн үед буюу 11-р сар гарснаас хойш нийтийн эзэмшлийн зам талбайд халтирч унасан гэх 1433 хүн ГССҮТ-д хандаад байна. Иргэд халтирч унасны улмаас гар, хөл, аарцаг нуруугаа гэмтээж байгааг эмч нар онцлоод буй. Иймд халтирч унаж гэмтэхгүй нь тулд ГССҮТ-өөс дараах зөвлөмжийг гаргажээ.

Үүнд, 

• Резинэн ултай буюу зөөлөн ултай гутал өмсөх, мөн халтирдаггүй гутлын хадаас хэрэглэх
• Таяг болон тулгуур болох зүйлс хэрэглэх
• Халтирах үед авах гэмтлээс сэргийлэх үүднээс малгай, бээлий өмсөх
• Гараа халаасандаа хийхгүй явах
• Явган зорчих хэсгийн зам талбайд гялгар гадаргуутай хавтан, хатуурч хөлдсөн цас, мөсний тогтоц байгаа эсэхийг анзаарах
• Авто замаас зайтай зорчих, явган хүний гарцаар гарахдаа гүйх, халтирч унах, хурдтай яваа автомашинаас болгоомжлох
• Бага насны хүүхэд, өндөр настнуудыг харгалзах хүнгүйгээр явуулахгүй байх
• Үзэгдэх орчин хязгаарлагдмал буюу орой үдшийн цагаар гэрэлтүүлэгтэй газраар явах, хувийн гэрэлтүүлэх хэрэгсэл ашиглах.