Засгийн газрын ээлжит бус хуралдаан өнөөдөр болж байна. Хуралдаанаар Монгол Улс болон Евразийн эдийн засгийн холбоо, түүний гишүүн орнууд хоорондын худалдааны түр хэлэлцээрийг соёрхон батлах тухай хуулийн төсөл, “Хөрөнгө гаргах тухай” Засгийн газрын тогтоолын төсөл мөн хэлэлцэнэ. Тодруулбал томуу, томуу төст өвчний эсрэг авах арга хэмжээнд зориулж хөрөнгө гаргах асуудал хэлэлцэх юм. Мөн зарим төрийн өмчит компаниудад хийсэн шалгалтын дүнг засгийн газар хэлэлцэхээр төлөвлөжээ.