УИХ-ын Төрийн байгуулалтын байнгын хороо өчигдөр Сонгуулийн ерөнхий хорооны дарга П.Дэлгэрнаранг албан тушаалаас нь чөлөөлсөн. 2020 оноос СЕХ-ны даргаар ажилласан тэрээр өөрөө ажлаас чөлөөлөгдөх хүсэлтээ гаргасан байна. Түүнийг “Эрдэнэс Монгол” нэгдлийн гүйцэтгэх захирлаар томилох тухай санал гарч байв. Тэгвэл түүнийг Гаалийн ерөнхий газрын дарга болгохоор тогтсон ажээ. Засгийн газар өнөөдөр уг томилгоог албажуулах юм байна.