МАН-ын Удирдах зөвлөл өнөөдөр 09:00 цагт хуралдав. Г.Занданшатарын Засгийн газар 19 сайдтай. Үүнээс 4 нь яамгүй сайд. Яамтай 15 сайдыг дэд сайдтай болгохоор төлөвлөсөн ч өнөөдөр 14 хүнийг дэд сайдаар томилохоор МАН-ын Удирдах зөвлөлд ерөнхий нарийн бичгийн дарга Я.Содбаатар танилцуулжээ. Хот байгуулалт, барилга, орон сууцжуулалтын болон Боловсролын дэд сайд нарын нэрсийг албан ёсоор тогтоогүй байгаа аж.

Дэд сайд нарын нэрс:

1. Гадаад харилцааны дэд сайд Г.Амартүвшин
2. Сангийн дэд сайд Б.Хулан
3. Хууль зүй, дотоод хэргийн дэд сайд Д.Мөнх-Эрдэнэ 
4. Батлан хамгаалахын дэд сайд Д.Баасандамба 
5. Байгаль орчин, уур амьсгалын өөрчлөлтийн дэд сайд Б.Мөнхтамир 
6. Зам, тээврийн дэд сайд Г.Ганболд 
7. Гэр бүл, нийгмийн хамгааллын дэд сайд Б.Солонго
8. Хүнс, хөдөө аж ахуй, хөнгөн үйлдвэрийн дэд сайд Б.Нямжав 
9. Аж үйлдвэр, эрдэс баялгийн дэд сайд Б.Энхтүвшин 
10. Эрчим хүчний дэд С.Далхаасүрэн 
11. Аялал жуулчлал, соёл, спорт, залуучуудын дэд сайд Г.Дашням 
12. Цахим хөгжил, инновац, харилцаа холбооны дэд сайд Г.Баярхүү 
13. Эрүүл мэндийн дэд сайд Г.Номин 
14. Эдийн засаг, хөгжлийн дэд сайд С.Даваасүрэн