Хөгжлийн банкны Төлөөлөн удирдах зөвлөл 12 дугаар сарын 23-нд хуралдаж, бүтцийн өөрчлөлтийг хэлэлцэн, 10 газар, 25 хэлтсийг 6 газар, 16 хэлтэс, удирдах албан тушаалтны тоог 40 хувиар, 145 албан хаагчийг 99 болгон цөөллөө. Ингэснээр 2 тэрбум орчим төгрөгийн хэмнэлт бий болох юм. Хөгжлийн банкны үйл ажиллагаа бүрэн сайжирч, хэвийн тогтвортой түвшинд хүртэл цомхон, мэргэжлийн баг ажиллуулах чиглэлийг Засгийн газар баримталж байгаа. Цаашид улс төрийн нөлөөллөөс ангид, удирдлагын мэргэжлийн багаар удирдуулах үүргийг банкны Хувь нийлүүлэгч болон Төлөөлөн удирдах зөвлөлд албан ёсоор даалгасан байна.