Нийслэл, дүүргүүдийн Татварын хэлтсийн дарга нар ажлаа тасалж, Дубай руу аяллаар явсан гэх асуудлыг нийслэлийн Татварын газрын дарга М.Болдбаатараас тодрууллаа. Тэрбээр “Үүрэгт ажлаасаа чөлөөлөгдөх хүсэлтээ Татварын ерөнхий газарт өглөө. Нийслэл, дүүргүүдийн татварын алба өнгөрсөн онд олон ажил хийж, гүйцэтгэсэн учраас нийслэлээс биднийг урамшуулсан байх гэж бодож байна. Мөн ийм нөхцөл байдалд хүргэсэндээ уучлал хүсье” гэлээ.