Богд Хан уулын Зайсангийн амнаас Тэнгэр хадны чиглэлийн явган алхалтын замыг Зэвсэгт хүчний алба хаагчид тохижуулах ажлыг санаачлан эхлүүллээ. Зэвсэгт хүчний алба хаагчид явган алхагчдад зориулсан энэхүү замын дагуу унасан модыг цэвэрлэх, олон улсын явган алхалтын стандарт бүхий тэмдэг, тэмдэглэгээг хийх, мэдээлэл сурталчилгааны самбарыг байршуулах, түр амралтын саравч зэрэг бусад тохижилтын ажлыг Богд Хан уулын дархан цаазат газар, Монголын Явган Алхалтын Холбоо зэрэг байгууллагуудаас мэргэжлийн зөвөлгөө авч, энэ сарын эхээр хийж дуусгахаар зорин ажиллаж байна.