Ус цаг уур, орчны судалгаа, мэдээллийн хүрээлэнгийн Зайнаас тандан судлалын хэлтэс Монгол орны зуншлагын байдлыг “Aqua” хиймэл дагуулын тусламжтайгаар орон зайн өндөр нарийвчлалтайгаар үнэлсэн байна. Энэ сарынн 10-ны байдлаар Баян-Өлгий, Увс, Ховд, Завхан, Говь-Алтай, Дундговийн ихэнх, Баянхонгор, Өвөрхангай, Төв, Дорноговийн зарим, Сэлэнгэ, Дархан-Уул, Дорнод, Сүхбаатарын цөөн сумын нутгаар гандуу болон гантай байна. Нийт нутгийн 61 хувьд гангүй буюу хэвийн, 22 хувьд гандуу, 17 хувьд гантай байна.