Улаанбаатар хотын төвөөр нэг хөглөрөх үеэ элээсэн ТҮЦ-үүдийг нүүлгэн шилжүүлэх ажлыг өнгөрсөн хавраас эрчимтэй зохион байгуулж эхэлсэн. Үүнтэй зэрэгцэн ТҮЦ-үүд тойрсон дуулиан тасрахгүй байна.

ТҮЦ нүүлгэж, явган хүний зам талбай чөлөөлөхийг хамгийн их эсэргүүцэж байгаа хүмүүсийн нэг бол Х.Бат-Ялалт, Г.Одмаа нар. Тэд нүүлгээд байгаа ТҮЦ-үүдийг дахин авчирч, хуучин байранд нь буцаан тавьдаг аж. Хамгийн сүүлд “ТҮЦ-ийг нь буцаан авчирч, хуучин байрлалд нь тавьж өгнө” гээд 100 гаруй иргэнээс тус бүр 1 сая төгрөг авсан байна. Тэр байтугай ТҮЦ нүүлгэн шилжүүлэх ажлыг зохион байгуулж байгаа нийслэлийнхний гадаа очиж, жагсаал зохион байгуулан, эсэргүүцэх ажлыг зохион байгуулж байгаа гэх мэдээлэл байна.