Улаанбаатар хотод өнөөдөр /2025.08.20/-ийн 15:00 цагийн байдлаар үер усны аюултай холбоотой нийт 12 дуудлага, мэдээлэл нийслэлийн Онцгой байдлын газар иржээ. Үүнээс 5 байршилд онцгой байдал болон мэргэжлийн байгууллагуудын нийт 14 ажилтан, албан хаагч, 4 машин, ус зайлуулах 2 насосоор ус соруулан, усанд авсан зам, айлуудыг аюулгүй болгож байна. Үүний 1 болох Нарны зам дахь Төмөр замын төв буудал орчмын авто зам дээр тогтсон усыг соруулж буй зургийг уншигч та харж байна.