11-р сарын эхээр Тайланд улсад эхэлсэн Miss Universe тэмцээний бэлтгэлийн үеэр Мексикийн Мисс Фатима Бош зохион байгуулагчид шүүмжлүүлж, тэмцээнийг орхин гарч байсан ба зохион байгуулагчийг эсэргүүцсэн бусад оролцогчид ч бас Фатимаг даган тэмцээнийг орхиж гарсан нь дэлхий даяар шуугиан дэгдээж байв.

11-р сарын эхээр гарсан уг мэдээллийг энд дарж уншина уу: https://time.mn/n/126440

Miss Universe тэмцээн өнгөрсөн Баасан гарагт Тайланд улсад амжилттай явагдаж дуусчээ. Тэмцээний эхэнд зохион байгуулагчид шүүмжлүүлж, тэмцээнийг орхиж гарч байсан Мексикийн мисс Фатима Бош Miss Universe тэмцээний шилдгээр тодорч, дэлхийн мисс болжээ.

Мексикийн ард иргэд болон түүнийг дэмжиж байсан оролцогчид түүнд баяр хүргэжээ. Харин зарим хүн тэмцээний зохион байгуулагчид 11-р сарын эхээр гарсан асуудалд гэмээ цайруулсандаа Фатимаг ялагч болгочихов уу? хэмээн сэжиглэж байна.

Эх сурвалж: BBC