“The Dark Knight” киноны “Joker”-ын дүрээр танигдаж, домог болсон жүжигчин Хит Леджер 2008 оны эхээр нас барахаасаа өмнө “Queen’s Gambit” бүрэн хэмжээний киног найруулахаар төлөвлөж байжээ. Тэрээр жүжигчин Эллен Пэйжийг гол дүр Бет Хармоны дүрд сонгож, өөрөө туслах дүрд тоглох гэж байжээ. Уг киногоор тэр найруулагчийн карьераа эхлүүлэхээр зорьж байжээ.
Хит Леджер “Queen’s Gambit” бүрэн хэмжээний киноны зохиол дээр Аллан Скоттой хамтран ажиллаж, киноны зохиолыг жүжигчин Эллен Пэйж рүү явуулчихсан байжээ. Тэрээр “Queen’s Gambit” киноныхоо зургийг 2008 оны сүүлчээр авахаар төлөвлөж байв.
Гэвч харамсалтай нь Хит Леджер 2008 оны 1-р сарын 22-нд амиа хорлож, хорвоогийн мөнх бусыг үзүүлснээр түүний энэ төсөл бүрмөсөн зогсжээ. Хожим 2020 онд дэлгэцийн бүтээл болсон “Queen’s Gambit” цуврал нь Хит Леджерийн анх төлөвлөж байсан киноноос өөр боловч түүний кино зохиолтой бага зэрэг холбоотой байсан.
Хэрэв Хит Леджер 2008 оны 1-р сарын 22-нд амиа хорлоогүй бол бид Хит Леджер, Эллен Пэйж гэдэг жүжигчний тоглосон “Queen’s Gambit” киног үзэхээр байлаа.
