Жендэрт суурилсан хүчирхийлэлтэй тэмцэх 16 хоногийн аян анх 1991 оноос Дэлхий даяар эхэлжээ. Жил бүрийн 11 дүгээр сарын 25-нд Олон улсын эмэгтэйчүүдийн эсрэг хүчирхийллийг устгах өдөр эхэлж, 12 дугаар сарын 10-ны Хүний эрхийн өдрөөр энэ аян өндөрлөдөг.

Энэхүү хөдөлгөөнийг НҮБ-ын “UNiTE” буюу “НЭГДЬЕ” аян дэмждэг бөгөөд эмэгтэйчүүд, охидын эсрэг хүчирхийллийг таслан зогсоох, урьдчилан сэргийлэх зорилготой юм.

Монгол Улсад энэ аян 1997 оноос эхэлсэн байна. Боловсролын ерөнхий газраас НҮБ-ын Хүн Амын Сантай хамтран нийслэлийн ерөнхий боловсролын сургуулийн 200 эмч нарыг оролцуулан аяны нээлтийг зохион байгууллаа. Тус аяны нээлтэд НҮБ-ын Хүн Амын Сангийн тэргүүн Халид Шарипи оролцож, Жендэрт Суурилсан Хүчирхийллийн талаарх дэлхийн болон ази номхон далайн бүс нутаг, Монгол улсын нөхцөл байдлын талаар мэдээлэл хүргэв.

Энэ жил “Технологи ашиглан үйлдэгдэж буй жендерт суурилсан хүчирхийлэлтэй тэмцэхэд нэгдэцгээе” уриан доор зохион байгуулагдаж байна.