УИХ-ын ерөнхий нарийн бичгийн даргаар томилох УИХ-ын дарга Н.Учралын саналыг Л.Өлзийсайхан хүлээн авчээ. Тиймээс түүнийг ҮХЦ-ийн гишүүний үүрэгт ажлаас чөлөөлөх асуудлыг өнөөдөр УИХ хэлэлцэн шийдвэрлэлээ. Гишүүд асуулт асууж, үг хэлсний дараа санал хураахад 64.2% нь дэмжиж, Л.Өлзийсайханыг ҮХЦ-ийн гишүүнээс чөлөөллөө.

Үргэлжлүүлэн УИХ-ын Төрийн байгуулалтын байнгын хороо хуралдаж, Л.Өлзийсайханыг УИХ-ын ерөнхий нарийн бичгийн даргаар томилох саналыг хэлэлцэнэ. Үүний дараа чуулганы нэгдсэн хуралдаанаар УИХ-ын ерөнхий нарийн бичгийн даргаар томилох юм.