ЗГХЭГ-ын даргын хариуцаж байсан зарим ажлыг өнөөдөр Засгийн газар салбарынх нь сайд нарт хариуцууллаа. Оюутолгойн ажлын хэсгийг Сангийн сайд, ХЗДХ-ийн сайд, АҮЭБ-ын сайдад хариуцуулжээ. “Петро Чайна дачин Тамсаг“ компанитай холбоотой ажлын хэсгийг АҮЭБ-ийн сайд ахлахар болсон байна. Газрын тос боловсруулах үйлдвэрийн ажлыг АҮЭБ-ийн сайдад даалгажээ. Дарханд ган хайлуулах аж үйлдвэрийн цогцолбор байгуулах төсөл хэрэгжүүлж байна. Уг төслийг Эдийн засаг, хөгжлийн сайдад шилжүүлсэн байна. Зэс хайлуулах төслийг ЗГХЭГ-ын дарга С.Бямбацогтод үлдээжээ.

ЗГХЭГ-ын дарга С.Бямбацог:

-Зэс хайлуулах үйлдвэр хэзээ барьж эхлэх вэ?

-Ирэх 7 хоногт ЗГ олон улсад нээлттэй сонгон шалгаруулалт зарлана. Хятадын ганц нэг компани санал тавьдаг юм шиг байна лээ. Тэгэхгүй.

–Г.Дамдинням сайд та 2-ын харилцаа ямар байгаа вэ. Таныг Уул уурхайн 2 дахь сайд болсон гэсэн шүү дээ.

-Г.Дамдинням сайд хариуцсан ажлаа хийж байгаа. Би бас хариуцсан ажлаа хийж байгаа. Ямар нэг үл ойлголцол байхгүй. Зарим нэг ажил дээр АҮЭБЯ, “Эрдэнэс Монгол” компанитай захирлууд ажлаа уялдуулах тал дээр сул байж магадгүй. Үүнийг уялдуулах тал дээр бид анхаарна. ЗГХЭГ-ын дарга бол салбар хоорондын уялдааг хангах, зохицуулах үүрэгтэй.